EL PLEVAN DI MALBORGHET
El plevan di Malborghet
se nol ves vut nancje un difiet
sares stat Pape,
ma al beveve, al porconave,
al fumave e al girave
ator cu l’Ape.
Une dì cun doi amis
e son sus fur di pais
par cambià arie,
al è tornat dut spetenat
cence amis e compagnat
da ‘ne massarie.
Le à cjatade sul stradon
c’al va jù viers Fossalon
sot el soreli.
Je jà dit: “Ma sior plevan
ca no mi tocj cun che man
se no i bergheli”.
Lui jà dit: “Ma ce biei voi
a son come doi pedoi
ator pa muse”.
Je jà dit: “Ma ce nas larc,
a mi par di viodi un farc
c’al jes da buse”.
Lui jà dit: “Cjale ce tetes
a son come las sachetes
da me mantele.
Je jà dit: “Pense al to cul
ca l’è grues come un baul
mi par ‘ne siele”.
E se al è dur a no l’è mol,
ben si sa che dopo al cjol
cui c’al disprezze.
Ân pensat ben di fa la pas
e po la voe ju à cjapas
come une frezze.
A son sus sù tal camarin
e àn sunat il mandulin
fintremai sere.
Po je jà dit: “Ma ce biel jet
quattri breis e un cavalet,
durmin par tiere”.
Cussì il plevan di Malborghet
al è stat tre dis pognet
cun che massarie
e par no lassale plene
i cjarezzave il fil de schene
cu la manarie.
E al Monsignor di Cividat
une bigote jà contat
dute la storie.
Al è sut sù tal indoman,
satu ce c’al veve in man?
Une gruesse scorie.
Ma il plevan di Malborghet
a nol podeve sta quiet
cence fa ‘ne frape.
Al à butat la so velade,
al à molat ‘ne celerade
e vie cu l’Ape.
Cussì lu àn scomunicat,
ancje la cros i àn gjavat,
al sta in campagne.
Cumò al fas il mantignut
da la massarie, che a so mut,
si la guadagne.
La massarie dal plevan
e à sclipat il capelan
par fa la scuete
e par no patì la fan
e guadagne un toc di pan
cu la sunete.